1 Morarame tamuhpõme toehse Izake ahtao tonukehse ynororo. Mame morara ahtao tumũkuru Ezau tykohmase tyya, ynara tykase ynororo eya:

— Aimo, umũkuru!

— Taro ase, papa, tykase ynororo.

2 — Tamuhpõme jexiry enẽko mase. Okynã pyra orihnõko ase. 3 Naeroro ourakanata joh tuota. 4 Morarame tomepore ahnoko yzamaro, moro enehko ya. Tõtuhkehse jahtao kure rokẽ oripõko ase Ritonõpo a orihpyra ro jahtao, tykase Izake Ezau a.

5 Yrome tumũkuru a Izake otururu totase Repeka a. Naeroro urakanase toytose Ezau ahtao, 6 ynara tykase jeny tumũkuru Jako a:

— Omy omiry etano seromaroro orui Ezau a. Ynara nykano eya: 7 “Urakanase ytoko, joh tuota. Mame ahnoko tomepore. Tõtuhse jahtao kure rokẽ oripõko ase Ritonõpo a orihpyra ro jahtao,” nykano. 8 Seromaroro, aimo, tykase Repeka, — etako pahne, ynara tyrĩko sytase, 9 ytoko kuekykõ esaka, asakoro poti kurã enehta. Ywy roro tõsẽ ahnõko ase tomepore, omy zohme. 10 Mame moro tõsẽ arõko mase omy zohme, autuhtohme. Imeĩpo kure oripõko mana Ritonõpo a orihpyra ro tahtao.

11 Yrome ynara tykase Jako tyse a:

— Urui tuhpose itamurume, ywy arypyra. 12 Tapose jahtao papa a, tuaro exĩko mana ywy ase. Ya tonekunopyry waro exĩko mana. Mame popyra jyripõko mana. Kure jyripopyra ekurehnõko mana.

13 Yrome ynara tykase jeny eya:

— Morara ahtao popyra oriporyhtao ypokona exĩko mana, ypoe exiryke. Aimo, jomipona exiko: poti tõ enehta ya, tykase jeny.

14 Toytose Jako, poti tõ tapoise eya, tarose toto tyse a, ipũ tahnose tomepore eya Izake zamaro aexihpyry samo. 15 Mame Ezau zupõ kurã tapoise jeny a, tapyi tao ikurãkahpyry Jako a amurutohme. 16 Mame poti pihpyry ke emary tyõtose, ipymyry tyõtose roropa eya Jako tuhpose pyra exiryke. 17 Moromeĩpo tõsẽ tomepore exikety tokarose eya wyi maro, tynyrihpyry.

18 Mame toytose Jako tumy a. Ynara tykase:

— Papa!

— Taro ase, tykase jumy. — Onoky mahno, aimo? tykase.

19 — Ywy ase omũkuru Ezau, osemazupu, tykase Jako. — Õty mose, onyripohpyry. Owõko, ajohpãme samo; oporohko õtuhtohme. Mame kure jyripõko mase Ritonõpo a, tykase ynororo tumy a.

20 — Axĩ rukuh moehno ropa, aimo. Otara mexino? tykase Izake.

— Ritonõpo Oesemy a takorehmase ywy, tykase ynororo eya.

21 Ynara tykase Izake Jako a:

— Osehko xiaro ya, ãpory se ase. Zuaro exĩko ase Ezau nymyry mahno? tykase.

22 Ameke pyra toehse Jako tumy a, tapose ahtao eya ynara tykase jumy:

— Õmiry Jako omiry sã nase yrome ãpory Ezau apory sã nase, tykase.

23 Morara exiryke Jako onenetupuhpyra Izake kynexine emary tyhpotyke exiryke Ezau emary samo. Naeroro kure rokẽ tyripose ynororo. 24 Yrome tõturupose ropa toiro, kure onyripopyra ahtao ro:

— Omoro hma umũkuru Ezau nymyry? tykase.

— Ywy ase, tykase Jako.

25 Mame ynara tykase jumy eya:

— Joty enehko, onyrihpyry, jotuhtohme. Imeĩpo kure oripõko ase.

Moro ahnohpyry tokarose Jako a tumy a. Eukuru tokarose roropa eya. Mame tõtuhse Izake, eukuru tõse roropa eya. 26 Mame ynara tykase ynororo:

— Osehko, aimo, kueahmakose.

27 Tumy typohse ahtao Jako a zupõ typohse Izake a, Ezau zupony. Mame kure rokẽ Jako tyripose eya. Ynara tykase ynororo:

30 Mame tõturukehse Izake ahtao kure Jako ripory poko Ritonõpo a, Jako tũtaryhtao ro Ezau toehse ropa urakanaxĩpo. 31 Tõsẽ tomepore tahnose eya ekarotohme tumy a, ynara tykase ynororo:

— Owõko ty! Ajohpãme sã otuhkose õty mose, unuohpyry. Imeĩpo kure rokẽ kyripoko.

32 Mame tõturupose Izake a, ynara tykase:

— Onokyh koh mano? tykase.

— Ywy, Ezau, omũkuru osemazupu.

33 Aomiry etaryke tõserehse Izake. Tykytyky tykapitose itamurume, ynara tykase ynororo:

— Onoky koh, joh enehno osemazuhme? Otuhno seromaroro oehpyra ro awahtao. Mokyro kure rokẽ yripono Ritonõpo a. Kure mokyro rĩko Ritonõpo mana.

34 Morara kary etaryke tyya kui tykase Ezau opore tãtasamaryke. Ynara tykase ynororo:

— Papa, kure kyripoko roropa, tykase.

35 Yrome ynara tykase Izake eya:

— Ãkorõ tooehse, tonekunohse ywy eya, naeroro kure rokẽ ynororo tyripose ya Ritonõpo a, kure oripory se jehtopõpyry samo.

36 Ynara tykase Ezau:

— Ỹ sero maro asakoro tonekunohse ywy eya. Zae tosehpase ynororo Jakome. Apitoryme ime jehtoh tapoise eya osemazuhme jenurutopõpyry. Seromaroro kure jyripotoh tomatonanohse eya. Papa, kure jyripotoh akoĩpyry onukurãkara make, toiro rokehxo jyripotohme roropa?

37 Ynara tykase Izake:

— Jako tyripose ya otuisaryme. Jekyry tõ emero tyripose ya inamotome. Itamurume tiriiku, eukuru roropa ekaropõ eya. Seromaroro kure oriposaromepyra ase, aimo, tykase Izake.

38 Yrome otuhparo Ezau kynexine:

— Toiro rokẽ kure tyripotoh nae hma? Kure kyripoko roropa, papa, tykase. Mame tyxitapitose ynororo opore samo.

39 Naeroro ynara tykase Izake:

41 Morarame takorõ zehno toehse Ezau, kure Jako tyripose jũkomo a exiryke. Mame ynara tõsenetupuhse ynororo: “Okynã pyra papa orihnõko mana. Moromeĩpo tyhnamokehse ahtao jakorõ etapãko ase.”

42 Mame tuaro Repeka kynexine takorõ zehno Ezau ehtoh poko. Jako tykohmase eya, ynara tykase ynororo eya:

— Etako pahne! Orui ozehno toexiryke, toemỹpory se ynororo; oetapary se mana. 43 Morara exiryke, etako pahne, aimo. Ytoko seromaroro ypiry Rapão tapyĩ taka, Harã pona. 44 Moroto exiko orui ekurãkatohme ropa, ozehno pyra aehtohme ropa. 45 Wenikehnõko ynororo onyrihpyry poko. Morara toehse ahtao omi arone enyohnõko ase oenehtohme ropa moro poe. Umũkuru tõ asakoro natokõ osetapary se pyra ase toiro ẽmepyry ae, tykase.

46 Mame tõturuse Repeka Izake maro, ynara tykase ynororo eya:

— Typenekehse ywy mokaro Ezau pyxiã heteu tõ poko. Typytase Jako ahtao nohpo heteu maro, kurehxo ya jorikyry, tykase.